2020 йил 28 декабр куни Ўзбекистон Республикаси Президентининг “Ўзбекистон Республикасининг 2021 – 2023 йилларга мўлжалланган Инвестиция дастурини амалга ошириш чора-тадбирлари тўғрисида”ги Қарори қабул қилинган эди. Унга кўра, 2021-2023 йиллар оралиғида Ўзбекистонда қўшимча 7 та автомобиль ишлаб чиқарувчи компаниялар фаолияти йўлга қўйилади.
Жорий йилдан бошлаб қуйидаги лойиҳалар амалга оширилиши кутилмоқда:
“Navoi-Motors” ХК (пикап, кичик юк машиналари, минивен, йўл танламас, электромобиль, тракторлар) – 2020-2021 йилларга мўлжалланган Австрия компанияси билан ҳамкорликдаги, хорижий инвестициянинг умумий қиймати 12 млн доллар миқдоридаги лойиҳа;
“Манас авто-саноат” МЧЖ (юк машиналари) – 2021 йилда ишга туширилиши кутилаётган Туркия компанияси билан ҳамкорликдаги лойиҳа;
“Namangan Сhangan motors” МЧЖ (енгил автомобиллар) – 2021 йилда ишга туширилиши кутилаётган БАА компанияси билан ҳамкорликдаги лойиҳа;
“ADM Jizzakh” МЧЖ (Lada, Kia, Renault) – 2021-2022 йилларда ишга туширилиши кутилаётган Корея эксимбанки иштирокидаги лойиҳа;
“Auto Motors Asia” МЧЖ (кроссоверлар, юк автомашиналари, микроавтобуслар) – 2021-2022 йилларда ишга туширилиши кутилаётган Хитой компаниялари билан ҳамкорликдаги лойиҳа;
“Аббос-Эко Агро” МЧЖ (енгил автомобиль, минивен, кичик юк автомобиллари) – 2021-2023 йилларда ишга туширилиши кутилаётган Хитой компанияси билан ҳамкорликдаги лойиҳа;
“Hyundai Motor Uz Namangan” МЧЖ (тижорат юк автомобиллари) – Корея компаниялари иштирокидаги лойиҳа.
Шунингдек, 2020-2022 йилларда UzAuto Motors'нинг хорижий ҳамкорлари билан биргаликда хорижий инвестициялар умумий қиймати 177 млн доллар бўлган лойиҳалар доирасида янги автомобиль моделлари ишлаб чиқарилади.
Мазкур лойиҳалар учун жалб қилинаётган хорижий инвестициялар умумий қиймати 462,8 млн доллар миқдорида баҳоланмоқда.
