Бирлашган Миллатлар Ташкилотининг Болалар жамғармаси (ЮНИСЕФ)нинг хабар беришича, 2021 йилда тахминан 140 миллион чақалоқ дунёга келиши мумкин. Уларнинг ўртача умр кўриш давомийлиги 84 йил. Бу эса, 2021 йилда туғилган чақалоқлар кейинги юз йилликни ҳам кўриши мумкин дегани.
Янги йилнинг биринчи кунида 370 мингдан ортиқ бола дунёга келди. Чақалоқларнинг қарийб ярми 10 мамлакатда туғилган:
Ҳиндистон - 59,995;
Хитой - 35,615;
Нигерия - 21,439;
Покистон - 14,161;
Индонезия - 12,336;
Эфиопия - 12,006;
AҚШ - 10,312;
Миср - 9,455;
Бангладеш - 9236;
Конго Демократик Республикасида эса 8640.
"Келинглар, 2021 йилни болалар учун янада адолатли, хавфсизроқ ва соғлом йилга айлантирайлик. Қолаверса, дунёда глобал пандемия, таназзул, қашшоқликнинг кучайиши ва тенгсизликнинг чуқурлашуви билан шуғулланаётган экан, ЮНИСЕФ ишига эҳтиёж ҳар қачонгидан ҳам каттароқдир", – деди ЮНИСЕФнинг ижрочи директори Ҳенриетта Форе.
Ҳенриетта Форенинг фикрича, 2021 йилнинг дастлабки кунларида туғилган болалар дунёда бир йил аввалгидан анча фарқ қиладиган дунёга келган.
