Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 85 миллион 091 мингдан ортиқни ташкил этмоқда, шундан 1 миллион 861 мингдан зиёд киши вафот этган (06.01.2021 йил Европа вақти билан соат 17:20 ҳолатига кўра). Охирги сутка давомида дунёда коронавирус инфекцияси билан касалланишнинг 585 557 янги ҳолати аниқланди, 11 632 нафар бемор вафот етди.
Жонс Хопкинс университетининг ҳозирги (07.01.2021 йил Тошкент вақти билан соат 09:22 ҳолати) маълумотларига кўра, дунёда касалликни 87 миллион 161 мингдан ортиқ одам юқтирган, улардан 1 миллион 882 мингдан ортиғи вафот этган.
Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 20,643 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (10,374 миллиондан ортиқ), учинчи ўринда Бразилия (7,753 миллиондан ортиқ), тўртинчи ўринда Россия (3,308 миллиондан ортиқ), бешинчи ўринда эса Буюк Британия (2,774 миллиондан ортиқ).
ЖССТ маълумотларига кўра, бир сутка давомида АҚШда 173 375, Ҳиндистонда 18 088, Бразилияда 20 006, Россияда 24 217, Буюк Британияда эса 60 916 нафар янги касалланиш ҳолати аниқланган дея хабар бермоқда Соғлиқни сақлаш вазирлиги
