"Smart medical pharm” ҳамда “BILLUR MEDICAL TRADE” МЧЖ “Этиловый спирт 70%” ҳамда “Меновазин” маҳсулотларини ноқонуний йўллар билан ишлаб чиқараётгани маълум бўлди.
Фармацевтика тармоғини ривожлантириш агентлиги хабарига кўра, “Smart medical pharm” ҳамда “BILLUR MEDICAL TRADE” МЧЖлар дори воситаларини ишлаб чиқариш ҳуқуқига эга бўлган лицензиатлар реестрида мавжуд эмаслиги ҳамда ушбу корхоналар томонидан “Этиловый спирт 70%” ҳамда “Меновазин” маҳсулотлари ноқонуний йўллар билан ишлаб чиқарилганини эълон қилди.
Ушбу корхоналарнинг ноқонуний фаолияти юзасидан Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментига мурожаатнома юборилган.
