Разведка ва глобал ишлар маркази директори Жошуа Хумински Жо Байден бошчилигидаги янги Aмерика маъмуриятига Россия билан муносабатларни қайта кўриб чиқишни маслаҳат берди.
"Бугун Россия билан муносабатларни тубдан қайта кўриб чиқиш ва Москванинг глобал кучи ва таъсирига ҳалол кўз билан қарашимиз керак ", – дейди таҳлилчи.
"Доналд Трампнинг Москва ва Владимир Путинга бўлган ғалати муносабати Барак Обама ва Жорж Буш бошчилигидаги ўта ғоявий ҳукуматнинг муваффақияциз қарорларидан келиб чиқади", – дейди Ҳуминский.
Мутахассиснинг таъкидлашича, мамлакатлар ўртасидаги рақобат қарама-қаршиликни англатмайди. Унинг фикрига кўра, иккала томон ҳам терроризмга қарши курашда ҳамкорлик қилишдан, шунингдек, стратегик ва ядро қуроллари устидан назоратни муҳокама қилишдан манфаатдор.
"Гап шундаки, иложи борича ўзаро алоқада бўлишимиз ва мамлакатлар ўртасидаги зиддиятни камайтиришимиз керак", деб таъкидлади у. Шу билан бирга, Хуминский Вашингтон "дипломатик мажбурлаш воситаларини кенгайтириши" кераклигини ҳам айтиб ўтган.
Маълумот ўрнида 2020 йилнинг 3 ноябрда бўлиб ўтган президентлик сайловларида демократ Жо Байден амалдаги Президент республикачи Доналт Трамп устидан ғалаба қозонган эди.
