12 январь куни Наманган туманида яшовчи фуқаро туман ИИБга ариза билан мурожаат қилиб,унда шу кунга ўтар кечаси номаълум шахс Наманган шаҳрида жойлашган ошхонанинг ертўласида жойлашган компьютер тузатиш устахонаси эшигини бузиб кирган. У ердан умумий нархи 12.000.000 сўмлик 1 дона "Artel" русумли телевизор, 1 дона "Aсer" русумли ноутбук, 3 дона компьютерлар хотираси ва 3 дона флешкасини ўғирлаб кетганлигини маълум қилиб, чора кўришни сўраган. Бу хақда Наманган вилояти ИИБ Ахборот хизмати хабар бермоқда.
Наманган шаҳар ИИО ФМБ ЖҚБ тезкор вакили ҳамда 1-сонли ИИБ ЖҚБ тезкор вакиллари томонидан олиб борилган суриштирув ҳаракатлари натижасида, ушбу жиноятни Наманган шаҳрида яшовчи, муқаддам Жиноят кодексининг 169-моддаси 3-қисми билан судланган шахс содир этгани аниқланган ва далилий ашё олинган.
Ушбу ҳолат бўйича шаҳар ИИО ФМБ ҳузуридаги ТБ томонидан Жиноят кодексининг 169-моддаси 2-қисми билан жиноят иши қўзғатилган.