2021 йил 18 январ Россия тўғридан-тўғри инвестиция жамғармаси (РДИФ, Россия Федерациясининг суверен бойлик фонди) Туркманистон Соғлиқни сақлаш ва тиббий саноат вазирлиги томонидан Спутник В коронавирусига қарши Россия вакцинаси рўйхатдан ўтганлигини эълон қилди.
Рўйхатдан ўтиш Туркманистон ҳудудида "Спутник V" қўшимча клиник синовларисиз тезлаштирилган процедура доирасида амалга оширилди. Вакцина илгари Aргентина, Боливия, Сербия, Жазоир, Фаластин, Венесуела ва Парагвайда шу каби фавқулодда вазиятларда авторизация қилиш тартибида рўйхатдан ўтган.
“Туркманистон Марказий Осиёда биринчи бўлиб "Спутник V" вакцинасини ўз ҳудудида ишлатилишини расман маъқуллади. Ҳамкорлар бугунги кунда коронавирусга қарши курашда дунёдаги етакчи дори-дармонлардан бири бўлган ва дунёнинг турли минтақаларидаги давлат назорат органлари томонидан тасдиқланган вакцинанинг хавфсизлиги ва самарадорлигини юқори баҳоладилар. Ишончимиз комилки, одам аденовирал векторларининг пухта ўрганилган платформаси асосида яратилган, исботланган "Спутник V" препарати билан аҳолини эмлаш коронавирус инфекцияси тарқалишининг олдини олишнинг асосий элементларидан бири ҳисобланади", – деди Россия тўғридан-тўғри инвестиция жамғармаси (РДИФ) бош директори Кирилл Дмитриев.
