Ўзбекистон давлат санъат ва маданият институти талабаcи коронавирус тестини сохталаштирган. Бу ҳақда Санитария-эпидемиологик осойишталик ва жамоат саломатлиги хизмати Ахборот хизматига таяниб, "Халқ сўзи" ёзмоқда.
"Талаба COVID тестини "подделка" қилган. Дарсга кечга қолиб, хусусий поликлиникадан маълумотнома сифатида олиб борган. Ходимларимиз томонидан эпидемиологик суруштирув ўтказилганида, маълумотномани талабанинг ўртоғи сохталаштиргани аниқланган", деган СЭОС хизмати вакили.
Эпидемиологик суруштирув давомида ушбу маълумотнома сохта эканлиги аниқланган. Маълумотнома берган клиника ҳам унинг сохта эканлигини ёзма тарзда тасдиқлаган.
