«Реал» клуби сардори Серхио Рамос фаолиятини «Manchester United»да давом эттириш вариантини кўриб чиқмоқда. Бу ҳақда Mirror хабар бермоқда.
Манбанинг ёзишича, испаниялик 34 ёшли ҳимоячи Мадрид клуби билан якунига етаётган шартномасини узайтириш борасида келишувга эриша олмаётгани учун ёзда жамоани эркин агент сифатида тарк этади. Рамос унга қизиқиш билдираётган «МЮ» таклифини қабул қилиб, фаолиятини Англия Премьер-лигасида давом эттирмоқчи.
Манбанинг хабарига кўра, «Реал» сардорининг ўзи ҳам «Манчестер Юнайтед»га ўтишга тайёрлигини билдирган. Шунингдек, Серхиога Франциянинг «ПСЖ» клуби ҳам қизиқиш билдирмоқда.
Аввалроқ, Рамос «қироллик клуби» президенти Флорентино Пересга бошқа клублар таклифини кўриб чиқаётгани ва ёзда клубни тарк этиши ҳақида айтгани хабар қилинганди.
