Мирзо Улуғбек туманида фуқароларнинг пенсия ва нафақа пулларини ўзлаштирган сайёр касса назоратчисининг кирдикорлари фош этилди, дея хабар қилди Бош рпрокуратура Матбуот хизмати.
Келтирилишича, Бош прокуратура ҳузуридаги Департаментнинг Мирзо Улуғбек туман бўлими томонидан АТ “Халқ банки” Мирзо Улуғбек филиалининг мурожаатига асосан ўтказилган терговга қадар текширувда, филиалнинг сайёр касса ҳисобчи-назоратчиси Т.Т., 2020 йилнинг сентябрь ойидан жорий йилнинг январь ойига қадар бўлган даврда ўзига ишониб топширилган жами 170 млн сўм пенсия ва нафақа пулларини эгаларига тарқатмасдан, ўзлаштириш йўли билан талон-торож қилганлиги аниқланган.
Мазкур ҳолат юзасидан Т.Т.га нисбатан Жиноят кодексининг 167-моддаси 3-қисми билан жиноят иши қўзғатилиб, тергов ҳаракатлари ўтказилмоқда.
