Эстония парламенти депутати Яак Медисон AҚШнинг собиқ президенти Доналд Трампни Нобел мукофотига номзод сифатида тавсия қилди. Бу ҳақда у Facebook’да маълум қилган.
Медисоннинг таъкидлашича, Трамп 30 йил ичида Қўшма Штатларнинг янги урушларни бошламаган биринчи президенти бўлди. Бундан ташқари, сиёсатчи "минтақада барқарорлик ва тинчликни таъминлашга ёрдам берган" бир қатор тинчлик шартномаларини имзолади. Бунга, бошқа нарсалар қатори, араб давлатлари ва Исроил ўртасидаги муносабатларни нормаллаштириш бўйича келишувларни ҳам киритиш мумкин, дея таъкидлади эстониялик депутат.
«Тинчлик бўйича Нобел мукофотига даъвогарлар парламент аъзолари томонидан ҳам кўрсатилиши мумкинлиги сабабли, мен бу имкониятимдан фойдаландим. Мукофотга номзод кўрсатиш муддати 31 январь ярим тунда тугаши белгиланган., мен буни муддатдан роппа-роса икки соат олдин ўз таклифимни киритдим », - дейди Медисон.
