Aмериканинг Миссури штатидаги Канзас-Сити шаҳридан бўлган 17 ёшли Эспен Дик саратон касаллигини уч марта енгди ва Covid-19 касаллиги туфайли вафот этди. Бу ҳақда 10 WAVY телеканали маълум қилди.
Тўрт ёшида Дикка ўткир лимфобластик лейкемия ташхиси қўйилган. Қиз тўрт йил давомида кимёвий терапиядан ўтди, суяк илиги трансплантациясини бошидан ўтказди. Хавфли прогнозларига қарамай, бола танаси онкологиянинг учта шакли билан курашди ва уларни енга олди.
2020 йил ноябрь ойида мактаб ўқувчисига коронавирус инфекцияси ташхиси қўйилди. У Рождество олдидан касалхонага ётқизилган ва шу вақтдан бери реанимацияда эди. Эспен Дик 30 январь куни вафот этди.
Эспеннинг отаси коронавирус саратондан ҳам баттарроқ бўлиб чиқди, дейди фарзандининг ўлими ҳақида.
Аввалроқ, тиббиёт ходимларига ёрдам учун 44 млн доллар йиғган 100 ёшли капитан коронавирусдан вафот этгани ҳақида хабар қилгандик.
