Наманган вилоят ИИБ Ахборот хизматининг маълум қилишича, 14 январь куни, Учқўрғон туманида яшовчи, 1978 йилда туғилган фуқаро ариза билан мурожаат қилиб, 2020 йил 24 январь куни таниши, Уйчи туманида яшовчи, 1986 йилда туғилган фуқаро уни ишончига кириб, "Ласетти" русумли автомашинасини 9.200 АҚШ долларига сотиб олишини айтган.
Пулларини эса 3 ой ичида беришини айтган Аммо, автомашинани олиб кетиб, бошқа шахсга сотиб юбориб, пулларини ҳозирги кунга қадар бермаётганлигини маълум қилиб, чора кўришни сўраган.
Ушбу ҳолат бўйича Уйчи туман ИИБ ҳузуридаги ТБ томонидан Жиноят кодексининг 168-моддаси 3-қисми билан жиноят иши қўзғатилган.
