Олий Мажлис Сенатининг ўн иккинчи ялпи мажлисида сенаторлар Ўзбекистон Республикаси Конституциявий судининг таркибига ўзгартиришлар киритиш тўғрисидаги масалани ҳам кўриб чиқди.
Ўзбекистон Республикаси Конституциясининг 80-моддаси 2-бандига ва “Ўзбекистон Республикаси Олий Мажлисининг Сенати тўғрисида”ги Ўзбекистон Республикаси Конституциявий қонуни 9-моддаси биринчи қисмининг 2-бандига мувофиқ, Мирзо-Улуғбек Элчиевич Абдусаломовни Ўзбекистон Республикаси Конституциявий судининг судьяси этиб сайлаш тўғрисида Олий Мажлис Сенатининг қарори қабул қилинди.
Шунингдек, Ўзбекистон Республикаси Конституциявий судининг судьяси Бахтиёр Дехконбоевич Миралимовнинг ваколати муддатидан илгари тугатилди.
Эслатиб ўтамиз, куни кеча Марказий сайлов комиссиясининг 16 йиллик раиси — Мирзо Улуғбек Aбдусаломовнинг ваколати тугатилгани ҳақида хабар берган эдик.
