Президент Шавкат Мирзиёевнинг Россияга ташрифи март-апрель ойларида бўлиши кутилаётганлиги, икки давлатнинг ҳукумат раҳбарлари ташрифга тайёргарликни муҳокама қилишётганлиги ҳақида хабар берилган эди.
Бош вазир матбуот котиби Бекзод Ҳидоятов Москвага ташриф борасидаги хабарларга ойдинлик киритди.
Унинг таъкидлашича, чиндан ҳам кеча, 4 февраль куни Ўзбекистон Республикаси Бош вазири Абдулла Арипов Олмаота шаҳрида Россия Федерацияси Ҳукумати раиси Михаил Мишустин билан учрашув ўтказган.
Учрашувда хабарларда айтилганидек март-апрель ойларида Давлатимиз раҳбари Шавкат Мирзиёевнинг Москвага ташрифи эмас, Ҳукумат раҳбарлари даражасида Қўшма комиссиянинг навбатдаги йиғилишини ўтказиш масаласи муҳокама қилинган.
