2021 йил 4 февраль куни Тўрақўрғон туманида яшовчи аёл туман ИИБга ариза билан мурожаат қилган. Бу ҳақда Наманган вилояти ИИБ Ахборот хизмати хабар берди.
Хабарда айтилишича, мурожаат қилган аёл 2 февраль куни Тўрақўрғон туманида жойлашган “Хўжанд” деҳқон бозорида бозор қилиб юрган вақтида номаълум шахс, эгнидаги жемперининг чап чўнтагида бўлган жами 1.950.000 сўм пулларини ўғирлаб кетганлигини маълум қилиб, унга нисбатан чора кўришни сўраган.
Тўрақўрғон тумани ИИБ ЖҚБ тезкор вакиллари ва ҲПБ ТП профилактика инспектори томонидан олиб борилган тезкор-қидирув ва суриштирув ҳаракатлари натижасида ушбу жиноятни Тўрақўрғон туманида яшовчи 1959 йилда туғилган аёл киши содир этганлиги аниқланиб ундан далилий ашё олинган.
Ушбу ҳолат бўйичатуман ИИБ ҳузуридаги ТБ томонидан Жиноят кодексининг 169-моддаси 2-қисми билан жиноят иши қўзғатилган.
