Туркия президенти Ражаб Тоййиб Эрдўғон иккинчи бор коронавирусга қарши вакцина қабул қилди. Бу ҳақда президент ўзининг Телеграмдаги шахсий саҳифасида маълум қилди:
“Ассалому алайкум, азиз биродарлар. Бугун менга COVID-19 вакцинасининг иккинчи дозаси юборилди.
Биз яқин келажакда барча фуқароларимизнинг эмланишини таъминлашни мақсад қилганмиз”
Туркия раҳбари Хитойнинг CoronaVac компанияси томонидан ишлаб чиқарилган коронавирус вакцинасининг биринчи дозаси билан Анқара шаҳар шифохонасида 14 январь куни ОАВ иштирокида эмланганди.
