Туркманистон Президенти Бердимуҳамедов Сердар Гурбангулевични Вазирлар Маҳкамаси Раисининг ўринбосари, Туркманистон Олий назорат палатаси раиси этиб тайинлади. Бу ҳақда turkmenportal ёзмоқда.
Бугун имзоланган Фармонга биноан у Туркманистон Давлат хавфсизлик кенгашининг таркибига киритилди, деб хабар берди Туркманистон телевидениясининг "Ватан" янгиликлар дастури.
Бош вазир ўринбосарининг янги лавозими давлат раҳбарининг қарорига мувофиқ жорий этилди.
Aввалроқ, 2020 йил 7 февралдан бошлаб Сердар Бердимуҳамедов Туркманистон саноат ва қурилиш ишлаб чиқариш вазири бўлиб ишлаган.
