Ўзбекистон Гидрометеорология хизматининг хабар беришича, бугун, 20 февраль кундуз куни Ўзбекистонда нам ва салқин об-ҳаво бўлади. Республика бўйича баъзи жойларда ёмғир ёғади, тоғ олди ҳудудларнинг баъзи жойларида кучли бўлади. Қорақалпоғистонда, Хоразм, Бухоро, Навоий вилоятларида ёғингарчилик кутилмайди. Туман тушиши мумкин. Ҳарорат февраль ойи учун меъёрий қийматларга яқинлашади ва 8-13° илиқни, шимолда 0-5° илиқни ташкил этди.
Пойтахтимизда ҳаво булутли бўлади, бироз ёмғир ёғиши мумкин. Шамол 7-12 м/с тезликда эсади. Ҳарорат 8-10° илиқ бўлади.
Тоғ ҳудудларда ёғингарчилик (ёмғир, қор) бўлади, баъзи жойларда кучли бўлиши мумкин. Қор кўчиши хавфи бор. Туман тушиши мумкин. Шамол ғарбдан 7-12 м/с тезликда эсади. Ҳарорат 2-7° илиқ бўлади.
