Буюк Британияда спаниель зотига мансуб Макс исмли ит дунёда биринчи бўлиб "Буюк хизматлари учун" орденини олган уй ҳайвони бўлди. Бу ҳақда "Sky News" телеканали маълум қилган.
Лейк туманида яшовчи 13 ёшли спаниел ижтимоий тармоқ юлдузига айланган. Макс жамоат олдидаги улкан ҳиссаси учун ПДСA ветеринария хайрия ташкилоти томонидан "Буюк хизматлари учун" ордени билан тақдирланади. У пандемия пайтида бутун дунё бўйлаб одамларга виртуал терапия кўрсатди.
Таъкидланишича, ит дунёда ҳаётидаги қийин дақиқаларни бошдан кечирган ва кечираётган минглаб одамларга ёрдам берган.
Мисол тариқасида, Макснинг эгаси, 46 ёшли Керри Ирвинг бахтсиз ҳодиса натижасида юролмай қолган ва қаттиқ тушкунликка тушган.
Макс эса унга ёрдам бериб, яшашига умид уйғотган.
