Президент Шавкат Мирзиёев 19 февраль, жума куни Наманган вилоятига ташрифи давомида 14 нафар қария яшаётган «Саховат» уйига бориб, улар билан суҳбатлашган ва тўрт ой ичида Наманган шаҳрида қариялар уйи учун янги бино қуриб берилишини айтганди. Мазкур қариялар уйида қурилиш ишлари бошланди, дея хабар бермоқда вилоят ҳокимлиги матбуот хизмати.
Қайд этилишича, ҳозирги бино 1982 йилда қурилган бўлиб, аввал пахта тозалаш заводининг дала ҳовлиси бўлган. Айни пайтда бу ерда 14 нафар қария яшайди.
«Менга ‘Саховат’ уйларига эҳтиёжи бўлган нуронийлардан жуда кўп хатлар келади. Шуларни инобатга олиб, ижтимоий ҳимояни кучайтирамиз. 4 ой ичида Наманган шаҳрида ‘Саховат’ уйи учун янги бино қуриб берилади. Сизлар муносиб шароитларда яшайсиз, даволанасиз», — деган эди бу ерда ташриф чоғи нуронийлар билан кўришган давлат раҳбари.
Наманган шаҳрининг Орзу маҳалласида ана шу қариялар уйи учун 24 февраль куни қурилиш қайтадан бошланди. Аслида 50 ўринли бу даргоҳни барпо этишга 2016 йилда киришилган, бироқ турли сабабларга кўра қурилиш тўхтаб қолган. Ҳозирда «Саховат» уйи 120 ўринга қайта реконструкция қилинмоқда.
«Бино энерготежамкор, яшаш, дам олиш ва соғлигини тиклаш учун барча шароитларга эга бўлиши кўзда тутилган. Санузеллари ичида бўлган икки кишилик хоналар, бассейн, тренажёр заллари бу ерда истиқомат қилувчилар ихтиёрида бўлади. Вилоят ҳокими Шавкатжон Абдураззoқов бугун қурилиш жойида бўлиб, лойиҳа билан батафсил танишди. Қурилиш ишларини жадаллаштириш бўйича мутасаддиларга кўрсатма ва топшириқлар берилди», дейилади хабарда.
25.04.2024, 23:10
“Iphone 14pro” сотилади дея фуқароларни чув тушириб, бошланғич тўлов сифатида 1.900.000 сўм олган йигитнинг қилмишларига чек қўйилди. Бу ҳақда Киберхавфсизлик маркази хабар берди.Наманган вилояти, Янгиқўрғон...
24.01.2023, 10:05
Наманганда аёл ЙПХ автомобилида туғуруқхонага олиб кетилаётганида фарзандини дунёга келтирди. Бу ҳақда ЙҲХХ матбуот хизмати хабар бермоқда.Маълум қилинишича, 4P-112 Фарғона халқа автомобиль йўлининг 20 километрида...
04.01.2023, 12:40
Наманган вилояти Чортоқ тумани "Айқирон" МФЙ ҳудудидан оқиб ўтувчи катта Наманган каналига “Nexia-2” русумли автомобил ҳайдовчиси ноқулай об-ҳаво туфайли бошқарувни йўқотиб, тушиб кетди. Бу ҳақда...
27.08.2022, 13:25
Наманганда содир бўлган ЙТҲ ўлим билан якунланди. Бу ҳақда Наманган вилояти ИИБ матбуот хизмати хабар бермоқда. Маълум қилинишича, кеча, 27 август куни соат 03:45ларда 4Р-112 "Фарғона...
