«Интер» клуби расмий сайти жамоада коронавирус тарқалгани ҳақида хабар берди.
Чоршанба куни ўтказилган тест натижаларига кўра, клуб бош директори Жузеппе Маротта, унинг ёрдамчиси Алессандро Антонелло, спорт директори Пьеро Аусилио, клуб ҳуқуқшуноси Анджело Капеллини ва мураббийлар штабидан исми сир сақланган бир нафар мутахассисда COVID-19 аниқланган.
Тести мусбат натижа берган клуб аъзолари ўзини яккалаш тартибига ўтказилган.
Маълумот учун, «Интер» А Серия 23-туридан кейин 53 очко билан пешқадамлик қилмоқда. Клуб навбатдаги учрашувни 28 февраль куни «Жузеппе Меацца» стадионида «Женоа»га қарши ўтказади.
