Корея Республикасида ишлаш вақтида меҳнат таътили олиб Ўзбекистонга келган кўплаб фуқаролар пандемия сабабли иш жойига қайтиб кета олмаётган эди.
Ташқи меҳнат миграцияси агентлиги томонидан Корея Республикасининг Инсон ресурсларини ривожлантириш хизмати билан олиб борилган музокаралар натижасида ушбу фуқароларнинг мазкур давлатдаги ўз иш жойларига юборишга кўмаклашилмоқда.
Ана шундай фуқаролардан 48 нафари Тошкент халқаро аэропортидан Корея Республикасига учиб кетди. Бу ҳақда миграция агентлиги Ахборот хизмати хабар қилди.
Таъкидлаш лозим, пандемия даврида Корея Республикасига кириб бориш учун карантин жойи тасдиқланган ва рухсат берилган фуқароларгина ушбу давлатдаги иш жойига қайтиб бормоқда.
Эслатиб ўтамиз, жорий йилда ана шундай фуқаролардан 14 январда 3 нафари, 20 январда 2 нафари, 29 январда 9 нафари, 3 февралда 6 нафари, 11 февралда (https://t.me/migratsiyaagentligi/1738) 23 нафари, 17 февралда (https://t.me/migratsiyaagentligi/1799) 10 нафари жўнаб кетган эди.
