Президент Наманган вилоятига ташрифи чоғида Наманган шаҳридаги Бунёдкор маҳалласига ташрифидан сўнг вилоят ҳокими ушбу маҳалла аҳолиси билан учрашиб, «Бунёдкор» маҳалласига кўчиб ўтишини маълум қилган эди.
«Ҳар куни шу ерда, сизларга қўшни бўламан. Уйим маҳалла идорасининг рўпарасида жойлашади. Бугун шу ерга контейнер ўрнатилади ва унга «вилоят ҳокимининг уйи» деб ёзиб қўйилади», деган эди Шавкатжон Абдураззақов аҳоли билан учрашувда.
«Халқ сўзи» таҳририяти ҳоким вақтинча яшаш учун кўчиб ўтадиган «вилоят ҳокимининг уйи» суратларини эълон қилди.
Расмлардан кўриниб турибдики, барча қулайликларга эга контейнер ўрнатилиб, унинг атрофи девор билан ўралган, дарвоза қилиниб уй ҳовлисига фуқароларни қабул қилиш, суҳбатлашиш, мурожаатларини тинглаш учун махсус айвон ҳам қурилмоқда.
