Навоий вилояти Экология бошқармасининг давлат инспекторлари томонидан 2021 йил 26 февраль куни шаҳар ва туманларда ўтказилган экологик назорат рейд тадбирлари давомида 6 нафар фуқаро ноқонуний равишда белгиланмаган жойга чиқиндиларни ташлаганлиги аниқланди. Бу ҳақда Навоий вилояти Экология бошқармаси Ахборот хизмати хабар бермоқда.
Булар:
- Карман туманида - 2 нафар
- Қизилтепа туманида - 2 нафар
- Хатирчи туманида - 1 нафар
- Учқудуқ туманида - 1 нафар
Аниқланган ҳолатлар юзасидан фуқароларнинг барчасига Ўзбекистон Республикаси МЖтКнинг 91 (пр1) - модданинг 1-қисмига асосан маъмурий баённома расмийлаштирилиб, 1 млн 470 минг сўм жарима белгиланди.
