Ўтган ҳафта давомида, яъни 22 – 28 февраль кунлари «Ўзбекистон республика товар-хом ашё биржаси» савдоларига 31 342,0 тонна АИ-80 маркали автомобиль бензини қўйилди ва улардан 10 468,9 тоннаси, яъни 33,4% сотилди. Ўтказилган савдоларда ҳар куни ўртача 25 харидор иштирок этди. Бу ҳақда Халқ сўзи хабар бермоқда.
Кўриб чиқилаётган даврда АИ-80 маркали автомобиль бензинининг бошланғич нархи кўтарилганлиги сабабли унинг ўртача кунлик нархи ҳам бир тоннаси учун 6 255,7 минг сўмдан 6 336,4 минг сўмгача ёки 1,3% га кўтарилди. Бошқача айтганда бензин биржа савдоларида деярли бошланғич нарх даражасида сотилган.
Кўриб чиқилаётган даврда АИ-80 русумли автомобиль бензиннинг ўртача ҳафталик котировкаси 6 447,5 минг сўмни, АИ-91 – 7 697,3 минг сўмни ташкил этди.
Эслатиб ўтамиз, турли манбаларда келтиришича автомобиль бензинининг бир тоннаси ўртача 1293-1370 литрни ташкил қилади.
02.03.2021 06:52
АИ-80 маркали автомобиль бензинининг нархи кўтарилишда давом этмоқда
