Фавқулодда вазиятлар вазирлигининг маълум қилишича, кечаси ва якшанба куни эрта тонггача "Қамчиқ" довонида қалин қор ёғган.
Фавқулодда вазиятлар вазирлиги ходимлари Қамчиқавтойўл, Ички ишлар вазирлиги ва бошқа ихтисослаштирилган хизматлар билан ҳамкорликда ноқулай об-ҳаво оқибатларини бартараф этишган. Ҳозирда довондаги йўлларнинг ҳолати яхши эканлиги хабар берилиб, ҳайдовчиларга барча хавфсизлик чораларига риоя қилиш қатъий тавсия қилинмоқда.
