Каталониянинг "Барселона" клуби ҳужумчиси Лионель Месси Ла лиганинг 27-туридан ўрин олган "Уэска" жамоасига қарши ўтган ўйинда рақиб дарвозасини икки бора аниқ нишонга олди.
Шу тариқа Месси жорий мавсум Испания чемпионатидаги голлари сонини 22 тага етказиб олди. “ESPN” нашри тарқатган хабарга кўра, Лео кетма-кет 13 мавсумдан буён Европанинг кучли бешлик чемпионатларида 20 тадан кўп гол уриб келаётган тарихдаги илк футболчига айланди.
Эслатиб ўтамиз, Месси жорий мавсум “Барселона” сафида турли мусобақаларда жами 36 та ўйинда иштирок этди ва ўз ҳисобига 27 та гол ҳамда 10 та голли узатма ёздириб қўйишга эришди.
