Коронавируснинг янги тўлқини ён қўшнимиз — Қозоғистонда ҳам жиддий хавотир уйғотган кўринади. Бу ерда вазият биздагидан ҳам ёмонроқ. Манбаларга кўра, мамлакатда ўтган бир кеча-кундузда 954 кишида “СOVID-19” аниқланган.
Шу боис, Қозоғистон пойтахтида 18 мартдан яна карантин чекловлари кучайтирилмоқда. Барча турдаги оммавий тадбирларни ўтказиш тақиқланди, деб ёзмоқда Платформа.
Боулинг марказлари, компьютер клублари, кинотеатрлар, кинорумлар, билярдхоналар, караоке, батутлар, тунги клублар, букмекерлик идоралари ва ўйин клублари, ёпиқ иншоотлардаги ўйин майдонлари ва аттракционлар, муз ва ролик яхмалакларига бориш учун ҳам чекловлар ўрнатиляпти.
21 март куни эса Нур-Султон шаҳрида аҳолининг кўчага сабабсиз чиқиши тақиқланади.
