Германия канцлери Ангела Меркель мамлакатда локдаунни узайтиришни таклиф қилди. Бу ҳақда мамлакатнинг расмий нашри Bild маълум қилди.
Канцлер ва федерал ҳудудлар раҳбарлари учрашуви иштирокчиларининг 22 мартга режалаштирилган келишув лойиҳасида карантинни тугатиш бўйича аниқ муддат келтирилмаган. Шунингдек, карантинни юмшатиш бўйича ҳар қандай янги тартиблар ҳам назарда тутилмаган, бу коронавируснинг янада авж олиб кетиши билан изоҳланади.
Ҳужжатларда ҳали ҳам немисларнинг таътилга чиқишлари учун имкониятлар мавжудлиги қайд этилган, лекин улар фақат ўзлари яшайдиган ҳудудларда ва ижтимоий масофани сақлаган ҳолда кўчага чиқишлари мумкин.
Маълумот учун: Германияда коронавирус юқтирганларнинг сони 2 671 749 нафар (бир суткада 7 700 дан ортиқ ҳолат), вафот этганлар эса 74 757 нафарни ташкил этади.
