Бу ҳақда spot.uz сайтида BTCC криптобиржасининг асосчиларидан бири, собиқ бош директор Бобби Ли CNBCга берган интервюсидаги маълумот келтирилди. Унинг прогнозича, биткоин тарихий рекордларни янгилагунча бир неча йиллар давомида пасаяди.
" - Биткоиннинг нархи 300 000 долларгача кўтарилиши мумкин, шундан сўнг унинг нархи пасаяди", - дейди Бобби Ли.
У бундай хулосаларни ушбу криптовалюта қийматининг динамикасини таҳлил қилиш асосида қилишини тушунтирди.
Унга кўра, биткоин ёзга келиб, 100 000 доллардан ошиб кетиши мумкин ва йил охирига келиб, у 300 000 долларга кўтарилиши мумкин. Бироқ, ўсиш босқичи тугаганидан сўнг, крипто-валютанинг нархи кўп йиллар давомида пасаяди, дея қўшимча қилди Ли.
Сўнгги бир йил ичида Биткоин деярли 600%га қимматлашди. 2021-йилдаги валюта қиймати ўзининг тарихий максимумини бир неча бор янгилади: март ойининг ўрталарида биткоин нархи тарихда биринчи марта 60 000 доллардан ошди ва CoinMarketCap маълумотларига кўра ушбу крипто валютасининг капиталлашуви 1 триллион доллардан ошди.
