Ижтимоий тармоқда “Боди камераси йўқ ГАИ ҳайдовчининг камерасини тортиб ололмай нега қочиб кетди” сарлавҳаси видео тарқалди. Унда Тошкент шаҳар ИИББ ЙҲХБ ЙПХ инспектори Ш.Топганов ҳамда "Спарк" русумли автомобиль ҳайдовчиси ўртасидаги ўзаро мулоқот акс этган. Ҳайдовчи ЙПХ ходимининг бодикамераси йўқлигига, ходим воқеа жойидан кетиб қолганлигига эътироз билдирган. Ҳайдовчи томонидан ўзаро мулоқот видео тасвирга олиниб ижтимоий тармоқда тарқатилган.
ИИВ ЙҲХББ Ахборот хизматининг маълум қилишича, ҳолат юзасидан Тошкент шаҳар ИИББ ЙҲХБ томонидан суриштирув ҳаракатлари олиб борилмоқда.
