Ўзбекистон Гидрометеорология хизмати хабарига кўра, бугун кундуз куни республика бўйича илиқ ва асосан қуруқ об-ҳаво бўлиши кутилмоқда. Фақат Қорақалпоғистонда, Хоразм вилоятида ва кечга томон Тошкент вилоятида баъзи жойларда бироз ёмғир ёғиши ва момақалдироқ бўлиши мумкин. Шамол 7-12 м/с тезликда эсади, баъзи жойларда 15-20 м/с гача кучайиши мумкин. Ҳаво 20-25° илиқгача исийди.
Пойтахтимизда ҳаво ўзгариб туради, кечга томон бироз ёмғир ёғиши, момақалдироқ бўлиши мумкин. Шамол 5-10 м/с тезликда эсади, 12-17 м/с гача кучайиши мумкин..Ҳаво ҳарорати 22-24° илиқ бўлади.
Республиканинг тоғ олди ва тоғли ҳудудларда ҳаво булутли бўлади, ёмғир, қор кўринишида ёғингарчилик бўлади. Қор кўчиши хавфи бор. Баъзи жойларга туман тушиши мумкин. Шамол 7-12 м/с тезликда эсади, баъзи жойларда 15-20 м/с гача кучайиши мумкин. Ҳаво ҳарорати 11-16° илиқ атрофида бўлади.
