Ташқи савдо шартномалари маълумотларини шакллантириш ва ТСОЯЭАТга жойлаштириш учун хизмат қилувчи “е-Контракт” дастурий таъминотини Давлат божхона қўмитаси томонидан қўллаб-қувватлаш юзасидан тегишли ташкилий-техник тадбирларни амалга ошириш ишлари 2021 йил 1 апрелдан тўхтатилиши маълум қилинади. Бу ҳақда Ўзбекистон Давлат божхона қўмитасининг матбуот хизмати маълум қилди.
Шунингдек, Ягона интерактив давлат хизматлари порталида жорий этилган “Ташқи иқтисодий фаолиятга тегишли контракт (шартномалар) маълумотларини Ташқи савдо операцияларининг ягона электрон ахборот тизимига киритиш” интерактив хизмати мазкур порталнинг “Божхона” бўлимидан “Инвестиция ва савдо” бўлимига ўтказилади.
Асос: Ўзбекистан Республикаси Президентининг 2020 йил 28 апрелдаги “Рақамли иқтисодиёт ва электрон ҳукуматни кенг жорий этиш чора-тадбирлари тўғрисида” ПҚ-4699-сон қарорининг 13-банди.
