Ўзбекистонда бугун, 2021 йилнинг 1 апрелидан бошлаб коронавирусга эмлаш оммавий эмлаш жараёнлари бошланди.
Коронавирусга қарши курашиш штаби аъзоси Ботир Қурбоновнинг маълум қилишича, фуқаролардан «агар вакцинация қилинмаса, бунга жавобарлик борми?» деган саволлар тушмоқда.
" – Вакцинация — ихтиёрий амалга оширилади. Вакцина қабул қилиш мажбурий эмас.
Таъкидлаш керакки, вакцинация қилинмаганлик учун жавобгарлик йўқ. Лекин эмланишнинг қанчалик зарур эканлигини ҳисобга олиб, касалликка қарши энг самарали усул — унга қарши вакцина олиш эканини эслатиш ўринлидир.
Ўзбекистон фуқароларига тавсия этилаётган барча вакциналар — клиник синовлар давомида бирорта ножўя таъсири акс этмаган вакциналар ҳисобланади", дейди Б. Қурбонов.
Элатиб ўтамиз, биринчи навбатда, 65 ёшдан ошган фуқаролар ҳамда тиббиёт ходимлари ўртасида эмлаш тадбирлари ўтказилмоқда.
