Ўзбекистон Гидрометеорология хизмати хабарига кўра, бугун кундуз куни республика бўйича илиқ ва асосан қуруқ об-ҳаво бўлиши кутилмоқда. Фақат Қорақалпоғистонда, Хоразм вилоятида баъзи жойларда ёмғир ёғади, момақалдироқ бўлиши мумкин. Шамол 7-12 м/с тезликда эсади, баъзи жойларда 17-22 м/с гача кучайиши мумкин. Ҳаво 17-22° илиқгача исийди.
Пойтахтимизда ҳаво ўзгариб туради, ёғингарчилик кутилмайди. Бироз шамол 3-8 м/с тезликда эсади. Ҳаво ҳарорати 20-22° илиқ атрофида бўлади.
Республиканинг тоғли ҳудудларида ҳаво ўзгариб туради, ёғингарчилик кутилмайди. Тошкент ва Наманган вилоятларида 1600 м дан юқорида қор кўчиши хавфи бор. Шамол 7-12 м/с тезликда эсади, баъзи жойларда 17-22 м/с гача кучайиши мумкин. Ҳаво ҳарорати 10-15° илиқ бўлади.
