Бугун "Ёш китобхон" танловининг якуний республика босқичи бўлиб ўтди ва унда Ўзбекистон туманидан Муҳаммадфозил Исмоилов олий ўринни эгаллади. Бу ҳақда Isroil Tillaboyev хабар қолдирди.
"Ушбу ўқувчи билан кўп гаплашганман, жуда самимий, гапга уста, Шум боланинг ўзи, дейсиз гапларидан, 8-синф эмас, катта ёшлилардек тафаккур қиладиган, ёшлигидан китобларни "еб юборган" экан. Исталган китоб ҳақида соатлаб гапирар эди, тез ўқиш дастуримизга финал тугагач келишни орзулаган эди, мана энди у биратўла "Спарк" автомобилида келадиган бўлди
Яна бир хайратланарли томони, Муҳаммадфозилнинг акаси ҳам танловда kатталар бўйича вилоятда чемпион бўлиб Республика босқичига чиққан, тасаввур қиляпсизми, икки ака-ука Республикада бутун вилоят шарафини химоя қилган!!!
Бундай илмли, солиҳ йигитларни тарбиялаб олиб чиққан, тарих фани ўқитувчиси оналари Мукаммалхон опа бир ўзи ҳам ота ҳам она вазифасини бажариб келган, Муҳаммадфозил бир ёшидан бошлаб!"- дея изоҳ қолдирган .
