Россияда автоҳалокатга учраган ўзбекистонлик ватанга олиб келинди

2020 йилнинг 25 ноябрь куни Россия Федерациясида ўзбекистонлик Х.А. автоҳалокатга учраган эди.

Умуртқа поғонасидан оғир жароҳат олиши оқибатида шу пайтга қадар ҳамюртимиз 3 марта жарроҳлик амалиётини ўтказди.

Ташқи меҳнат миграцияси агентлиги Ахборот хизмати хабарига кўра, ушбу юртдошимиз жорий йилнинг 2 апрель куни Ташқи меҳнат миграцияси агентлигининг Москва шаҳридаги ваколатхонаси ҳамда  "Uzbekistan airways" акциядорлик жамияти кўмагида  Москва-Тошкент йўналишида Ўзбекистонга қайтарилди.