Чехиянинг 76 ёшли Президенти Милош Земан узоқ вақтдан бери оёқлардаги нейропатия ва диабет касаллиги билан оғриб келаётган эди. Унинг аҳволи тобора ёмонлашган ва ногиронлар аравачасидан фойдаланишга мажбур бўлган. Президент мўъжизага ишонишини ва келажакда албатта оёққа туришини билдирди.
Бу ҳақда у Прагадаги "Blesk" нашрига берган интервюсида маълум қилди.
“Мен аравачадан фойдаланишга қарор қилдим. Ҳозирда мен Ланида, баъзан эса Прага қалъасида ногиронлар аравачасида ҳаракат қиламан. Ва бу мен учун жуда қулай », - деди Земан.
Земаннинг сўзларига кўра, агар Чехословакия ташкил топганлигининг кейинги йиллиги 28 октябрда Прага қалъасида нишонланса, у меҳмонларни ён йўлдан кутиб олади.
Ўтган йили Чехия президенти қўлидан олган жароҳати билан касалхонага ётқизилган эди. Давлат раҳбарининг матбуот котибининг сўзларига кўра, Земан кечқурун телевизорда янгиликларни томоша қилган ва иш тугагандан сўнг қоқилиб, йиқилганда қўлини синдириб олган.
Рисолат МАХСИМОВА тайёрлади
