Ўзбекистон Президенти томонидан қабул қилинаётган Фармон ва қарорларнинг мазмун-моҳияти, тадбиркорлик субъектларини қўллаб-қувватлаш бўйича амалга оширилаётган ислоҳотлар аҳамиятини тўлиқ ва тўғри ҳолда тарғиб қилиш, экспортда юзага келган муддати ўтган дебитор қарздорликларни шакилланишидаги хуқуқбузарликлар ва уларни олдини олиш ҳамда бундай салбий ҳолатларга чек қўйишникенг жамоатчилик, хусусан, тадбиркорлик субъектларига етказиш бўйича божхона органлари томонидан тизимли ишлар амалга оширилмоқда.
Андижон вилояти божхона бошқармасида вилоят прокуратураси билан ҳамкорликда вилоятда фаолият кўрсатувчи тадбиркорлик субъектлари вакиллари билан “Экспортда юзага келган муддати ўтган дебитор қарздорликларни тез фурсатларда бартараф қилиш чораларини кўриш” масалаларига бағишланган навбатдаги семинар учрашуви ўтказилди.
Семинар давомида бошқарма бошлиғи Эркинжон Райхонов тадбиркорлик субъектлари рахбарларига ўзларининг қимматли бўлган вақтларини ажратиб келганликлари учун миннатдорчилик билдириб, мамлакатимизда ташқи иқтисодий фаолият соҳасида берилаётган кенг имкониятлардан тадбиркорлар фойдаланишда берилган ишончни суистеъмол қилиш холатлари кўплаб учраётганлигига алоҳида тўхталиб ўтди.
Яратиб берилаётган бундай имкониятлар бир томондан экспортга амалий ёрдам берилаётганлигини кўрсатсада, бошқа томондан айрим тадбиркорлик субъектлари томонидан экспорт қилинган товарлар учун ўз вақтида валюта маблағлари келиб тушишини таъминламаганлиги ҳисобига муддати ўтган дебитор қарзорликлар ошиб боришига сабаб бўлаётганлиги айни ҳақиқат.
Рақамларга мурожаат қилинганида Андижон вилоятида рўйхатдан ўтган 67 та тадбиркорлик субьектларнинг 113 та экспорт шартномалари асосида юзага келган муддати ўтган дебитор қарздорликлари 2021 йил 10 апрель ҳолатига 62,2 млн. долларни ташкил этмоқда.
Ҳудудий корхоналар қарздорликларининг 75 % ёки 49,1 млн. долларга тенг қисми мева-сабзавотларга тўғри келади.
Семинар давомида сўз олган бошқарма бошлиғининг биринчи ўринбосари Абдувоҳид Раҳмонов, Ўзбекистон Республикаси Президентининг “Ташқи савдо фаолиятини янада эркинлаштириш ва тадбиркорлик субъектларини қўллаб-қувватлаш чора-тадбирлари тўғрисида”ги ПҚ-3351-сонли қарорининг биринчи бандида Ташқи савдо операциялари бўйича муддати ўтказиб юборилган дебитор қарздорлик ҳосил бўлганлиги учун бевосита тадбиркорлик субъектлари қонун олдида жавоб беришлари ҳақида яна бир бор эслатиб ўтди.
Шунингдек, Ташқи савдо операцияларини мониторинг қилиш ва божхона статистикаси бўлими томонидан жорий йилнинг ўтган чораги мобайнида вилоятимиздаги ТИФ божхона постлари орқали жами 3585 та божхона юк декларациялари “Экспорт” божхона режимига расмийлаштирилганлиги, шулардан 1089 таси ёки 30,3 % “қизил” йўлак тартибида божхона расмийлаштирувидан ўтказилган бўлса, қолган 2496 таси ёки жами экспортнинг деярли 70% божхона назорати енгиллаштирилган тартибда ҳамда божхона кўриги ўтказилмаган ҳолда расмийлаштирувдан ўтказилганлиги ва яна бир қатор кўсаткичлар бўйича таҳлилий маълумотларни ўқиб эшиттирдилар.
Семинар якунида бир неча тадбиркорлик субъектлари раҳбарлари ҳамда уларнинг ишончли вакиллари юзага келаётган дебитор қарздорликларни тез фурсатларида бартараф этиш чораларини кўришларини билдирдилар.
Андижон вилояти божхона бошқармаси
Ахборот хизмати
