Самарқанд вилояти ҳокимлигида бўлиб ўтаётган фаоллар йиғилишида Президент Шавкат Мирзиёев вилоятга келиш сабабини маълум қилди, дея хабар қилмоқда “Даракчи” мухбири.
“Самарқанд халқига Рамазони шариф муборак бўлсин. Президент нега айнан Самарқандга келди дерсиз. Биз шу улуғ айём кунларида Самарқанд учун режалар тузамиз.Бу ерда улуғ бобомиз Имом ал-Бухорий хотираси бор. 600 минг ҳадисни пиёда юриб тўплаган. Унинг меросини бутун мусулмон дунёсига тараннум этсак арзийди. Бобомизга муносиб мақбаралар, масжидлар қуришни бошлаганмиз. Бу ерга келган мўмин-мусулмонларга шароит яратсак, улар ҳам юртимизга келганда бизни ўз боболаримизга чексиз ҳурматимизни кўриб бизга ҳавас қилишса, буюк тарихли давлат эканимизга, шу тарихни элга, айниқса, ёшларга етказишни истаётганимизга гувоҳ бўлади. Ўзимизга ҳам бу ишларимиз инсоф, диёнат, шукроналик ҳиссиётларини беради”, - деди Президент.
Мана шундай гаплар билан бошланган йиғилишда давлат раҳбари кеча ташриф буюрган Имом ал-Бухорий зиёрат комплексининг қурилиш жараёнлари билан танишиш учун келганини айтди.
Тафсилотлар билан йиғилишда иштирок этаётган "Даракчи" мухбири Сардорбек Раҳмонқулов ёритиб боради.
"darakchi.uz"ни кузатиб боринг!
