Пойтахтимизнинг Юнусобод туманидаги 43-сонли умумтаълим мактабининг 11 “В” - синф ўқувчиси Саидкарим Турсунбоев хорижнинг олтмиш саккизта (!) олий таълим муассасасига кириш имтиҳонларини муваффақиятли топширди. Бу ҳақда Тошкент шаҳар ХТББ Матбуот хизмати хабар бермоқда.
Эътиборлиси, энг юқори балл тўплаб, улардан бир нечтасининг грантлар соҳибига айланди.
Битирувчи Саидкарим Турсунбоев имтиҳон топширган олий таълим муассасалари орасида АҚШ, Жанубий Корея, Россия, Туркия, Италия, Сингапур, Малайзия каби мамлакатларнинг номдор университетлари бор.
Иқтидорли ўқувчимизнинг кейинги ўқиш ва ишларида бундан-да юксак муваффақиятлар тилаймиз.
