Россия Федерацияси Москва ва Уфа шаҳарларида автоҳалокатга учраб, қийин аҳволда қолган Хоразм вилоятидан М.О ҳамда Тошкент вилоятидан А.Ҳ Ташқи меҳнат миграцияси агентлиги ҳамда Халқаро миграция ташкилоти ҳамкорлигида Ватанга қайтарилди. Бу ҳақда Ташқи меҳнат миграцияси агентлиги хабар берди.
Мураккаб вазиятда қолган фуқароларни Агентлик ва ХМТнинг масъул ходимлари аэропортда кутиб олди. Ушбу юртдошларимизнинг яқин қариндошлари томонидан миннатдорлик билдирилди.
