Бу ҳақда марҳум 2012 йилда туғилган болакай Н.Щ.нинг отаси ижтимоий тармоқлар орқали маълум қилган. Унга кўра, ҳодиса 17 апрель куни болалар ўйин майдончасини ободонлаштириш ишлари олиб борилаётган 1, 2 ва 3-уйлар ҳовлисидаги Водник-1 даҳасида содир бўлган.
Ободонлаштириш хизмати ходимлари майдонни тегишли меъёрлар асосида тўсмаганлиги ва бунинг оқибатида 8 ёшли боланинг устига арғимчоқ устуни қулаб, воқеа жойида вафот этгани айтилмоқда.
Тошкент шаҳар ИИБ матбуот хизмати «Газета.uz»га хабар беришича, ҳолат юзасидан Жиноят кодексининг 258-моддаси 2-қисмининг «а» банди (тоғ-кон, қурилиш ёки портлатиш ишлари хавфсизлиги қоидаларини бузиш, одам ўлишига олиб келса) билан жиноий иш очилган.
Ҳолат юзасидан бир қатор экспертизалар тайинланган. Тергов давом этмоқда.
