Ўзбекистоннинг Франциядаги элчихонаси, Республика “Ҳунарманд” уюшмаси Франциянинг A.S.I.E халқаро жамғармаси билан ҳамкорликда амалга ошираётган лойиҳа дастури бўйича Франция Олий ҳунармармандчилик мактабининг кулолчилик ихтисоси бўйича В босқич талабаси Эмма Фрелат Aнна Бухорода касб маҳоратини оширмоқда. Бу ҳақда вилоят туризмни ривожлантириш департаменти маълум қилди.
Дастур режаси бўйича талаба икки ой давомида Риштон ва Ғиждувон кулолчилик мактабларида бўлиб, кулолчилик сирларини ўзлаштириши кўзда тутилган эди.
Эмма айни кунларда Aбдулло Нарзуллаевнинг кулолчилик устахонасида Ғиждувон кулолчилик мактаби анъаналари билан танишиб, касб сирларини ўзлаштирмоқда.
Бухоро вилояти Туризмни ривожлантириш департаментида Ўзбекистон кулолчилик мактаблари билан яқиндан танишиш мақсадида келган франциялик Эмма Фрелат Aннага департаментнинг Франциядаги жамоатчилик асосида вакили ваколати берилганлигини тасдиқловчи сертификатни топширилди.
–Менга билдирилган ишончдан жуда ҳам ҳурсандман. Ўзбекистоннинг миллий ҳунармандчилик санъати бутун дунё учун қизиқ. Ўзбек халқининг меҳмондўстлиги, кулолларнинг маҳорати, уста- шогирд муносабатлари менда катта таассурот қолдирди,– дейди Эмма.
