Ўзбекистон Гидрометеорология хизмати хабарига кўра, бугун, 24 апрелда кундуз куни Ўзбекистон ҳудудига Эрон ҳудудларидан яна илиқ ва қуруқ ҳаво кириб келади. Ҳаво булутли бўлади, ёғингарчилик кутилмайди. Ҳарорат 22-27° илиқгача кўтарилади.
Пойтахтимизда ҳаво бироз булутли бўлади, вақти-вақти билан ўзгариб туради, ёғингарчилик кутилмайди. Шамол 3-8 м/с тезликда эсади. Ҳаво 23-25° илиқгача исийди.
Республиканинг тоғли ҳудудларида ёғингарчилик кутилмайди. Тошкент ва Наманган вилоятларида 2200 м дан юқорида қор кўчиши хавфи бор. Шамол 7-12 м/с тезликда эсади. Ҳарорат 11-16° илиқ бўлади.
