Пойтахтда старт олган қиличбозлик бўйича Токио-2020 лицензион мусобақаси терма жамоамиз учун муваффақиятли бошланди.
Ўзбекистон Миллий олимпия қўмитасининг маълум қилишича, бироз аввал ҳамюртимиз Шерзод Мамутов Токио-2020 Олимпия ўйинлари йўлланмасини қўлга киритди.
Гуруҳ босқичидан муваффақиятли ўтган вакилимиз чорак финалда Сингапур, ярим финалда Қозоғистон вакилини мағлубиятга учратишга муваффақ бўлди. Олимпиада йўлланмаси учун кечган финал беллашувида гонг конглик Хо Тин Ловни мағлубиятга учратди. Бу билан ёш саблячимиз Токио-2020 Олимпия ўйинлари йўлланмасини ҳам нақд қилди.
