Андижон вилояти божхона бошқармаси “Дўстлик” чегара божхона пости ходимлари томонидан валюта муомиласи билан боғлиқ навбатдаги хуқуқбузарлик ўз вақтида фош этилган. Бу ҳақда Андижон вилоят божхона бошқармаси Ахборот хизмати хабар берди.
Ўзбекистон Республикасидан Қирғизистон Республикасига йўл олган фуқаро (1966 йилда туғилган) И.Гнингхаракатлари бежизга божхона ходимларида шубха уйғотмаганлиги ўтказилган шаҳсий кўрикдан сўнг ўз тасдиғини топди. Гап шундаки, фуқаро И.Г шахсий кўрик сўнггига қадар оғзаки сўровда ҳам маълум қилинмаган ўнг оёғининг тўпиқ қисмида, иштонининг пойчаси ички қисмидан 15 110 ҳамда чап оёғининг тагида, пайпоғининг ичидан 10 000 жами 25 110 АҚШ доллари маблағларини қонунга хилоф равишда божхона чегаралари орқали олиб ўтмоқчи бўлганлиги аниқланди.Фуқаро И.Г томонидан унинг оёқ қисмига яшириб олиб ўтшга урунган ((расмий курс бўйича 263 960 839,8 сўм) 25 000 АҚШ доллари пул маблағлари ашёвий далил тариқасида вақтинча сақловга олинган.
Мазкур ҳолат юзасидан ҳозирда Андижон вилояти божхона бошқармаси томонидан суриштирув ишлари олиб борилмоқда.
