Аввалроқ, Қашқадарёда ИИВ ходими журналистга қўполлик қилгани ва унинг ҳаракатлари ўрганилаётгани ҳақида хабар берган эдик.
Қашқадарё вилояти Ички ишлар бошқармасинингмаълум қилишича, Қарши шаҳар ИИО ФМБ бошлиғининг ўринбосари А.Шоймардановнинг журналистга нисбатан қилган ҳатти-ҳаракатлари ўрганиб чиқилди.
Ўрганишларга кўра, Ўзбекистон Республикаси Президентининг 2017 йил 29 ноябрдаги 3413-сонли қарори билан тасдиқланган Ички ишлар органларининг “Интизом устави” ва ИИВнинг 2016 йил 30 июнь кунидаги 82-сонли буйруғи билан қабул қилинган “Ички ишлар органлари ходимларининг одоб-ахлоқ қоидалари”нинг тегишли бандлари ҳамда ИИО фаолиятини тартибга солувчи меъёрий буйруқлар талабларини қўпол равишда бузиб, фуқароларда ИИОларига нисбатан салбий фикрлар уйғонишига сабабчи бўлгани учун Қарши шаҳар ИИО ФМБ бошлиғининг ўринбосари А.Шаймардановга нисбатан “Қаттиқ ҳай интизомий жазоси қўлланди.
Шунингдек, шу куни объект бошлиғи сифатида хизмат олиб борган А.Шаймардоновнинг топшириғига асосан О.Қўлдошевни 1-сонли ИИБга олиб борган профилактика инспектори ва ППХ батальони бўлинма командири ИИВнинг амалдаги меъёрий буйруқлари талаблари асосида ҳаракат қилганлиги маълум қилинади.
