Ижтимоий тармоқларда Денов туманида яшовчи аёлни эркак киши уриб, жисмоний куч ишлатгани акс этган видеолавҳа тарқалди. Видеода онасини ҳимоя қилаётган болаларнинг бор овоздаги қичқириқларини эшитиб, юрагингиз ларзага келади.
Эркак эса аёлни қўллари билан уриб, оёқлари билан тепиб, оғзида "ким ураяпти сени?", дея ўзини оқламоқда. Агар унинг бу ҳолати видеога муҳрланмаса, ҳўрланаётган заифанинг гапларига бу жамиятда ишонувчиларни топиш осон бўлмайди, назаримда. Видеони яширин тарзда камерага олинаётганига қараганда аёлга нисбатан қилинаётган бу зўровонлик биринчи маротаба содир этилмаётганлигини англашингиз мумкин.
Аниқланишича, бу жанжал мол-мулк талашиш ортидан келиб чиққан. Аёлга уйдан чиқариш куч ишлатган эркак ўзининг эрининг акаси бўлган. У«Қақнус» хусусий тиббиёт маскани эгаси, врач Гулмурод Хандалов, эканлиги айтилган хабарларда.
